لاہور: (ویب ڈیسک) پاکستانی کرکٹ ٹیم کے سابق کپتان اور ٹیسٹ کرکٹر سرفراز احمد کی اپنے بیٹے کے ساتھ سورۃ الفاتحہ کی تلاوت کرتے ہوئے ویڈیو وائرل ہو گئی۔
تفصیلات کے مطابق پاکستان کرکٹ ٹیم کے سابق کپتان سرفراز احمد نے اپنے بیٹے کے ساتھ بیٹھ کر سورۃ فاتحہ کی تلاوت کی تو اس کے اختتام پر ان کے بیٹے نے از خود دعا کروا دی۔
سرفراز احمد جو حافظ قرآن بھی ہیں ،نے نہایت خوبصورت آواز میں سورۃ فاتحہ کی تلاوت کی،ان کا ننھا بیٹا بھی ساتھ ساتھ جتنا ممکن ہوسکا پڑھتا گیا ۔
سورۃ کے اختتام پر سرفراز احمد نے جیسے ہی دعا کے لئے ہاتھ اٹھائے تو ان کے بیٹے نے اپنے ہاتھ آگے بڑھا کر کہا کہ اب میں پڑھوں گا۔
جواب میں سرفراز نے کہا کہ آپ پڑھو۔ بیٹے نے ہاتھ اٹھاکر دعا مانگی اور کہا کہ اللہ تعالیٰ ،ہم سب کو اپنی حفظ و امان میں رکھے۔ آمین۔
سوشل میڈیا پر کرکٹرز سمیت مداحوں کی بڑی تعداد نے اسے پسند کیا ہے۔ سر فراز احمد کے بیٹے عبداللہ کا شوق بھی دیدنی تھا،ویڈیو کے ساتھ جمعہ مبارک لکھا گیا ہے ۔
