لاہور: (ویب ڈیسک) پاکستان ایئر لائن (پی آئی اے) سے این او سی نہ ملنے پر پی سی بی نے بلوچستان ٹیم کے ہیڈ کوچ فیصل اقبال کو عہدے سے ہٹا دیا۔
نیشنل ٹی 20 کپ کی ٹیم بلوچستان میں بطور ہیڈکوچ ذمہ داریاں نبھانے والے فیصل اقبال کو اپنے ادارے پی آئی اے سے این او سی نہ مل سکا جس پر پاکستان کرکٹ بورڈ نے انہیں عہدے سے ہٹا دیا، پی سی بی حکام کا کہنا ہے کہ قومی ادارے کے ساتھ حل طلب معاملہ چل رہا ہے جسے نمٹائے بغیر ڈومیسٹک کرکٹ کے ایک اہم ٹورنامنٹ میں شرکت کرنا مناسب نہیں۔
لیجنڈری جاوید میانداد کے بھانجے فیصل اقبال کی جگہ ٹیم بلوچستان میں ہیڈکوچ کی ذمہ داری وسیم حیدر کو دے دی گئی۔
