لاہور: (دنیا نیوز) پاکستان کرکٹ کے لیے ایک اور اچھی خبر آئی ہے، زمبابوین ٹیم نے آئندہ ماہ دورہ کی تصدیق کر دی، 30 اکتوبر سے دس نومبر تک تین ون ڈے اور تین ہی ٹی ٹوئنٹی میچز کھیلے جائیں گے۔
پاکستان کے کرکٹ میدان پھر آباد ہونگے، زمبابوے نے ون ڈے اور ٹی ٹوئنٹی سیریز کے لیے دورہ کی تصدیق کر دی، مہمان ٹیم کو اپنی حکومت سے دورہ پاکستان کی اجازت درکار تھی، جو انہیں مل گئی ہے۔
زمبابوین ٹیم کا 20 اکتوبر تک پاکستان آمد کا امکان ہے، پہلے تین ون ڈے میچز کھیلے جائیں گے، جو آئی سی سی ورلڈکپ سپر لیگ کا حصہ ہوں گے۔ یہ میچز 30 اکتوبر، یکم نومبر، 3 نومبر کو ملتان میں کھیلے جائیں گے۔ پاک زمبابوے ٹی 20 میچز، 7 نومبر، 8 نومبر، 10 نومبر کو راولپنڈی میں کھیلے جائیں گے۔
