لاہور: (ویب ڈیسک) نیشنل ٹی ٹونٹی کپ کے پانچویں میچ میں شاہین شاہ آفریدی کی شاندار باؤلنگ کے باعث خیبرپختونخوا نے بلوچستان کو بآسانی 8 وکٹوں سے ہرا دیا۔ فاسٹ باؤلر نے پانچ وکٹیں حاصل کیں۔
تفصیلات کے مطابق خیبرپختونخوا کے خلاف پانچویں میچ میں بلوچستان نے مقررہ اوورز میں 152 رنز بنائے۔ کوئی بھی کھلاڑی ففٹی رنز نہ بنا سکا۔ عمران بٹ 37، کپتان حارث سہیل 29 ، اویس ضیاء 24، بسم اللہ 16، عمران فرحت 10 رنز کیساتھ نمایاں رہے۔ شاہین شاہ آفریدی نے شاندار باؤلنگ کرتے ہوئے 5 کھلاڑیوں کو پویلین بھیجا۔
Sensational Shaheen Shah Afridi #NationalT20Cup | #HarHaalMainCricket | #BALvKP pic.twitter.com/pyKUsCSJVW
— Pakistan Cricket (@TheRealPCB) October 2, 2020
خیبرپختونخوا کی ٹیم نے ہدف 16 ویں اوورز میں مکمل کر لیا۔ کپتان محمد رضوان 56 رنز کیساتھ ٹاپ سکورر رہے، محمد حفیظ 45، فخر زمان 25 رنز بنا پائے۔ عماد بٹ اور عاکف جاوید نے ایک ایک وکٹ حاصل کی۔
