تازہ ترین
  • بریکنگ :- لندن : رائل ملٹری اکیڈمی سینڈ ہرسٹ میں پاسنگ آؤٹ پریڈ
  • بریکنگ :- آرمی چیف جنرل قمر جاوید باجوہ پریڈ کی تقریب میں شریک
  • بریکنگ :- آرمی چیف جنرل قمرجاوید باجوہ نےپاسنگ آؤٹ پریڈ کامعائنہ کیا
  • بریکنگ :- آرمی چیف جنرل قمر جاوید باجوہ پریڈ میں شرکت کرنیوالےپاک فوج کےپہلے سربراہ ہیں
  • بریکنگ :- پاسنگ آؤٹ پریڈ میں 41 غیرملکی کیڈٹس پا س آؤٹ ہورہےہیں

گلگت حکومت کا وادی نگر میں کرکٹ سٹیڈیم بنانے کا منصوبہ

Published On 10 February,2021 04:58 pm

لاہور: (ویب ڈیسک) گلگت بلتستان میں پاکستان تحریک انصاف (پی ٹی آئی) کی حکومت نے وادی نگر میں رواں سال پسان کے مقام پر کرکٹ سٹیڈیم بنانے کا منصوبہ بنایا ہے۔

تفصیلات کے مطابق چند روز قبل سوشل میڈیا پر پاکستان کے خوبصورت ترین کرکٹ گراؤنڈ گوادر کی تصاویر وائرل ہو رہی تھیں اسی دوران قومی کرکٹ ٹیم کے فاسٹ باؤلر عمر گل نے گلگت بلتستان کے ایک اور کرکٹ گراؤنڈ کی تصویر شیئر کی گئی جسے دیکھنے کے بعد ہر سوشل میڈیا اس کی خوبصورتی کے بھی چرچے ہونے لگے تھے۔

 

گلگت بلتستان کے وزیراعلیٰ محمد خالد خورشید خان کی پاکستان کرکٹ بورڈ (پی سی بی) کے چیئر مین احسان مانی سے ملاقات ہوئی۔ اس ملاقات کی تصاویر انہوں نے اپنی سماجی رابطے کی ویب سائٹ ٹویٹر پر کی۔ ملاقات کے دوران کرکٹ کے فروغ کے امور پر تبادلہ خیال کیا گیا۔

 

ملاقات کے دوران طے پایا کہ گلگت بلتستان میں پاکستان تحریک انصاف (پی ٹی آئی) کی حکومت وادی نگر میں رواں سال پسان کے مقام پر کرکٹ سٹیڈیم کا منصوبہ بنائے گی۔

یہ بھی پڑھیں:گوادر کے بعد گلگت بلتستان کرکٹ گراؤنڈ کی خوبصورتی کے چرچے

اس موقع پر گلگت بلتستان کے وزیراعلیٰ خالد خورشید نے کہا کہ جب ملک کے دیگر حصوں میں شدید گرمی پڑتی ہے تو پسان کرکٹ سٹیڈیم کے بننے سے انتہائی ساز گار موسم میں کرکٹ کھیلنے کا موقع ملے گا۔اس کرکٹ گراؤنڈ میں کھیلنے کے دوران پر فضا مقام بھی دیکھنے کو ملیں گے۔