لاہور: (ویب ڈیسک) قومی ٹیم کے سابق کپتان اور پاکستان سپر لیگ (پی ایس ایل) کے چھٹے سیزن میں ملتان سلطانز کی نمائندگی کرنے والے شاہد آفریدی نے آئی سی سی سوال پوچھتے ہوئے کہا ہے کہ میچ کے دوران امپائر باؤلر کی کیپ کیوں نہیں پکڑ سکتے۔
تفصیلات کےم طابق قومی کرکٹ ٹیم کے سابق کپتان شاہد آفریدی نے عالمی وبا کورونا وائرس کے دور میں کرکٹ میچوں کے دوران امپائروں سے متعلق قوانین پر اعتراض اٹھا دیا۔
سوشل میڈیا سائٹ ٹوئٹر پر جاری اپنے ایک پیغام میں انہوں نے انٹرنیشنل کرکٹ کونسل (آئی سی سی) کے قوانین پر اعتراض اٹھاتے ہوئے کہا کہ میچ کے دوران امپائر بالر کی کیپ کیوں نہیں پکڑ سکتے؟
Dear @ICC wondering why the umpires are not allowed to hold bowlers cap even though they are in the same bubble as the players/management and even shake hands at the end of the game?
— Shahid Afridi (@SAfridiOfficial) February 24, 2021
سابق کپتان نے اپنے ٹوئٹ میں کہا کہ امپائر بھی ٹیم اور مینجمنٹ کے ہمراہ ببل میں ہی ہوتے ہیں، یہاں تک کہ میچ کے اختتام پر ہاتھ بھی ملاتے ہیں تو کیپ پکڑنے کی اجازت نہ ہونا عجیب بات ہے۔
خیال رہے کہ کورونا وائرس کی وبا کے سبب آئی سی سی نے کچھ نئے قواعد جاری کیے تھے۔ آئی سی سی نے گیند چمکانے کے لیے تھوک کے استعمال پر پابندی عائد کر رکھی ہے۔
