لاہور: (ویب ڈیسک) ویسٹ انڈیز کیخلاف پہلے ٹی ٹونٹی میچ میں کرس گیل کی وکٹ لینے والے محمد وسیم جونیئر کا کہنا تھا کہ ہارڈ ہٹر بیٹسمین کو آؤٹ کرنے پر فخر محسوس کر رہا ہوں۔
تفصیلات کے مطابق قومی کرکٹ ٹیم کے لیگ اسپنر عثمان قادر نے ٹی ٹوئنٹی کرکٹ میں ڈیبیو کرنے والے محمد وسیم جونئیر کوپہلے میچ میں کرس گیل کی وکٹ لینے پر حوصلہ افزائی کی۔
پاکستان کرکٹ بورڈ (پی سی بی) کی طرف سے ٹویٹر پر جاری کردہ ویڈیو میں گفتگو کرتے ہوئے ینگ باؤلرز کا کہنا تھا کہ میچ مکمل نہیں ہو سکا لیکن باؤلرز کو اس میچ سے بہت اعتماد ملا ہے۔
Usman Qadir and Mohammad Wasim Jnr reflect on their performance in the 1st #WIvPAK T20I
— Pakistan Cricket (@TheRealPCB) July 29, 2021
Full video: https://t.co/PKJeGMmSyf#HarHaalMainCricket | #BackTheBoysInGreen pic.twitter.com/8FyKEOuhRo
عثمان قادر نے اپنے ساتھی باؤلر محمد وسیم جونئیر کی تعریف کرتے ہوئے کہا کہ محمد وسیم اور ان کی فیملی کے لیے یہ بڑا قابل فخر لمحہ ہے جنہوں نے اپنے ڈیبیو ٹی ٹوئنٹی میچ میں اچھی بولنگ کا مظاہرہ کیا اور سب سے زیادہ رنز بنانے والے بیٹسمین کی وکٹ حاصل کی جو کافی بڑی بات ہے جبکہ انہوں امید ظاہر کی کہ فاسٹ باؤلر اپنی اس فارم کو آگے بھی برقرار رکھیں گے۔
لیگ سپنر کا کہنا تھا کہ ویسٹ انڈیز کے پلیئرز جارحانہ بیٹنگ کرتےہیں، پچ سے ٹرن مل رہا تھا جبکہ منیجمنٹ نے رنز روکنے کی ہدایت کی تھی اس لیے پلان کے مطابق بولنگ کی گئی۔
فاسٹ باؤلر محمد وسیم جونیئر کا کہنا تھا کہ ڈیبیو میچ میں کرس گیل کی وکٹ لینے پر فخر محسوس کر رہا ہوں، کپتان بابر اعظم نے یہی کہا تھا کہ لائن اینڈ لینتھ پر بولنگ کرتے ہوئے انجوائے کرنا ہے اس لیے میں نے بہت انجوائے کیا، انٹر نیشنل کرکٹ کھیلنے کا اپنا مزہ ہے۔ ڈومیسٹک کرکٹ کھیلتا آیا ہوں لیکن انٹر نیشنل کرکٹ میں بہت فرق ہے۔
