ڈھاکا:(ویب ڈیسک)ساجد خان کی 12وکٹوں کی بدولت پاکستان نے بنگلا دیش کو دوسرے ٹیسٹ میچ میں اننگز اور 8رنز سے شکست دیکر دومیچوں کی سیریز میں وائٹ واش کرلیا ہے۔
ڈھاکا کے شیر بنگلہ کرکٹ سٹیڈیم میں کھیلے گئے سیریز کے دوسرے اور آخری ٹیسٹ میچ میں ساجد خان کی شاندار باؤلنگ کی بدولت پاکستان نے میزبان ٹیم کو ہراکر میچ اور سیریز اپنے نام کرلی ہے۔پاکستان کی جانب سے ساجد خان نے میچ میں 12وکٹیں حاصل کیں۔
All smiles and why not (player of the match) pic.twitter.com/EEKX5GU3V7
— Pakistan Cricket (@TheRealPCB) December 8, 2021
پاکستانی بیٹر عابد علی کو سیریز اور ساجد خان کو میچ کا بہترین کھلاڑی قرار دیا گیا۔
https://t.co/a45zhP8OeI pic.twitter.com/foCujhbHvB
— Pakistan Cricket (@TheRealPCB) December 8, 2021
قبل ازیں بنگلا دیش کا دوسری اننگز میں ٹاپ آرڈر فلاپ ہو گیا۔ اوپنرز شادمان اسلام اور محمود الحسن نے دوسری اننگز کا آغاز کیا ہی تھا کہ حسن علی نے محض 6 سکور پر محمود الحسن کو بولڈ کر دیا۔ ان کے بعد 2 رنز بنانے والے شادمان بھی پویلین لوٹ گئے، نجم الحسن 6 اور مومن الحق 7 رنز بنا سکے۔ لٹن داس نے آ کر ٹیم کو سنبھالا دیا اور 7 چوکوں کی مدد سے 45 رنز بنائے، انہیں ساجد خان نے آوٹ کیا۔ مشفق الرحمن ففٹی بناتے بناتے رہ گئے، 48 رنز پر رن آوٹ ہوگئے۔ شکیب الحسن نے پاکستانی باولرز کو ٹف ٹائم دیا تاہم انہیں 63 رنز پر ساجد خان نے شکار کیا، مہدی حسن 14 رنز بنا سکے ۔
Jubilant team, jubilant fans! pic.twitter.com/uZtO9i0eFP
— Pakistan Cricket (@TheRealPCB) December 8, 2021
فالو آن کی شکار بنگلا ٹیم نے قبل ازیں آج پہلی اننگز کا سلسلہ 7وکٹوں کے نقصان پر 76رنز سے جوڑا تو پاکستانی باولرز نے حریف بلے بازوں کو ٹکنے نہ دیا، تیج الاسلام کو صفر سکور پر ساجد خان نے پویلین کی راہ دکھا دی۔ ان کے بعد خالد احمد آئے، انہیں شاہین آفریدی نے شکار کیا۔ سب سے زیادہ 33 رنز بنانے والے شکیب الحسن کو بھی ساجد خان نے چلتا کیا۔ یوں ساری ٹیم 87 کے مجموعے پر آوٹ ہو گئی۔ ساجد خان نے 8 مخالف بلے بازوں کو آؤٹ کر کے بنگلا دیش کو فالو آن کرانے میں اہم کردار ادا کیا۔ میزبان ٹیم کے 9 بلے باز ڈبل فگر میں بھی داخل نہ ہو سکے۔
Abid Ali - player of the series. pic.twitter.com/6W0PxIuxvt
— Pakistan Cricket (@TheRealPCB) December 8, 2021
واضح رہے کہ دوسرے ٹیسٹ میچ میں پاکستان نے اپنی پہلی اننگز 300رنز پر ڈیکلیئر کردی تھی۔
بابر اعظم
قومی کرکٹ ٹیم کے کپتان بابر اعظم نے گفتگو کرتے ہوئے کہا کہ اوپنرزنے بہت اچھا سٹارٹ دیا،ساجد نے اچھی باؤلنگ کا مظاہرہ کیا،دودن بارش کی وجہ سے پچ کافی مشکل لگ رہی تھی،آج کی جیت پوری ٹیم کی مشترکہ کوشش ہے۔
The captain poses with the #BANvPAK T20I and Test series trophies.
— Pakistan Cricket (@TheRealPCB) December 8, 2021
T20Is: 3-0
Tests: 2-0 pic.twitter.com/vk6C3PLCXH
