لاہور: (ویب ڈیسک)پاکستان کرکٹ ٹیم کے آل راؤنڈر شعیب ملک کے 19سالہ بھتیجے نے بڑا کارنامہ سر انجام دیتے ہوئے قائداعظم ٹرافی میں ٹرپل سنچری سکور کر ڈالی۔
پاکستان کرکٹ بورڈ کی جانب سے سماجی رابطے کی ویب سائٹ ٹوئٹر پر ویڈیو شیئر کرتے ہوئے لکھا گیا کہ 19سالہ محمد حریرہ فرسٹ کلاس کرکٹ میں ٹرپل سنچری کرنیوالے پاکستان کے دوسرے کم عمر ترین کھلاڑی بن گئے ہیں ۔
MONUMENTAL EFFORT! 19-year-old Mohammad Huraira becomes the second youngest Pakistan batter to score a first-class triple century! #HarHaalMainCricket pic.twitter.com/QtYRKDRCKT
— Pakistan Cricket (@TheRealPCB) December 20, 2021
اس سے قبل پاکستان کے لیجنڈ کھلاڑی جاوید میانداد نے صرف 17 سال کی عمر میں ٹرپل سنچری کی تھی۔
خیال رہے کہ محمد حریرہ پاکستانی ٹیم کے سابق کپتان شعیب ملک کا بھتیجا ہے، یہ کارنامہ سٹیٹ بینک گراؤنڈ پر سرانجام دیا،محمد حریرہ نے بلوچستان کیخلاف کھیلتے ہوئے صرف 327 گیندوں پر ٹرپل سنچری بنانے کا اعزاز حاصل کیا۔
