سڈنی:(دنیا نیوز)آسٹریلین کرکٹ بورڈ نے پاکستان کا دورہ شیڈول کے مطابق کرنے کا اعلان کردیا ہے۔
دورہ پاکستان سے متعلق بیان دیتے ہوئے کرکٹ آسٹریلیا کے چیف ایگزیکٹیو نک ہاکلے نے کہا ہے کہ آسٹریلیا کی سکیورٹی ٹیم حال ہی میں تمام صورت حال کا جائزہ لینے کے لیے پاکستان گئی تھی۔
پاکستان کرکٹ بورڈ کے ساتھ ہر لحاظ سے مکمل رابطے میں ہیں ،اومی کرون کے باعث صورت حال مشکل ہے لیکن پاکستان کا دورہ کرنے کےلیے پُرعزم ہیں۔
واضح رہے کہ آسٹریلیاکی کرکٹ ٹیم آئندہ برس مارچ میں 24 سال بعد پاکستان کا دورہ کرے گی۔
