لاہور:(ویب ڈیسک) پاکستان سپر لیگ (پی ایس ایل) کے ساتویں ایڈیشن کے پہلے کوالیفائر میچ میں لاہور قلندرز کو 28 رنز سے شکست دیکر دفاعی چیمپئن ملتان سلطانز کی ٹیم فائنل میں پہنچ گئی ہے۔
لاہور کے قذافی سٹیڈیم میں پی ایس ایل 7 جاری ہے، قلندرز کے کپتان شاہین شاہ آفریدی نے سلطانز کے قائد رضوان کو ٹاس جیت کر پہلے بیٹنگ کی دعوت دی تھی۔
#HBLPSL7 l #LevelHai l #LQvMS pic.twitter.com/BiF2PYUQyX
— PakistanSuperLeague (@thePSLt20) February 23, 2022
لاہور قلندرز اننگز
Really good show by @MultanSultans tonight. They are off to the finals @lahoreqalandars still have a chance to book a finals spot. #HBLPSL7 l #LevelHai l #LQvMS pic.twitter.com/zJyH7UkyN6
— PakistanSuperLeague (@thePSLt20) February 23, 2022
شاہین الیون 164 رنز کا ہدف حاصل کرنے میں ناکام رہی اور مقررہ 20 اوورز میں 9 وکٹ کے نقصان پر 135 رنز بناسکی، فخر زمان نے سب سے زیادہ 4 چھکوں اور 2 چوکوں کی مدد سے 45 گیندوں پر 63 رنز کی اننگز کھیلی، عبداللہ شفیق 5، کامران غلام 20، محمد حفیظ صفر، ہیری بروک 13، سمت پٹیل 11 ، فل سالٹ اور شاہین آفریدی 1،1 اور ڈیوڈ ویزے 8 رنز بنا کر پویلین لوٹے جبکہ حارث رؤف اور زمان خان ناٹ آؤٹ رہے۔
فاتح ٹیم کی جانب سے شاہنواز دھانی نے شاندار باؤلنگ کراتے ہوئے 3 کھلاڑیوں کا شکار کیا، آصف آفریدی ،رومان رئیس اور خوشدل شاہ نے 1،1 اور آصف آفریدی نے 2 وکٹ حاصل کیں۔
ملتان سلطانز کے فاسٹ باؤلر شاہنواز دھانی کو 4 اوورز میں 19 رنز کے عوض 3 وکٹ حاصل کرنے پر میچ کا بہترین کھلاڑی قرار دیا گیا۔
#HBLPSL7 l #LevelHai l #LQvMS
— PakistanSuperLeague (@thePSLt20) February 23, 2022
pic.twitter.com/EiObSfPF8Z
ملتان سلطانز اننگز
ملتان سلطانز نے پہلے کھیلتے ہوئے مقررہ 20 اوورز میں دو وکٹ کے نقصان پر 163 رنز بنائے۔ شان مسعود دو اور عامر عظمت 33 رنز کی اننگز کھیل کر پویلین لوٹے۔
Multan’s steady ship parked at
— PakistanSuperLeague (@thePSLt20) February 23, 2022
163. Over to Lahore’s batters! #HBLPSL7 l #LevelHai l #LQvMS pic.twitter.com/VuGken7mbD
اس دوران محمد رضوان اور ریلی روسو نے زبردست باری کھیلی۔ دونوں کے درمیان 113 رنز کی پارٹنرشپ بنی۔ دونوں نے بالترتیب 53 اور 65 رنز بنائے۔ محمد حفیظ اور سمت پٹیل نے ایک ایک وکٹ حاصل کی۔
لاہور قلندرز سکواڈ
TOSS ALERT @lahoreqalandars have won the toss and elected to bowl. Here are the updated squads: #HBLPSL7 l #LevelHai l #LQvMS pic.twitter.com/WguLZo0Bby
— PakistanSuperLeague (@thePSLt20) February 23, 2022
ملتان سلطانز کے خلاف میچ کے لئے لاہور قلندرز کے سکواڈ میں کپتان شاہین شاہ آفریدی، فخر زمان، عبداللہ شفیق، کامران غلام، محمد حفیظ، فل سالٹ، ہیری بروک، ڈیوڈ ویزے، سمت پٹیل، حارث رؤف اور زمان خان شامل تھے۔
ملتان سلطانز سکواڈ
لاہور قلندرز کے خلاف میچ کے لئے ملتان سلطانز کے سکواڈ میں کپتان محمد رضوان، شان مسعود، عامر عظمت، رائیلی روسو، جانسن چارلس، خوشدل شاہ، ڈیوڈ ویلی، آصف آفریدی، رومان رئیس، عمران طاہر اور شاہنواز دھانی شامل تھے۔
واضح رہے کہ جمعرات کو پشاورزلمی اور اسلام آباد یونائیٹڈ کے مابین ایلمنیٹر 1 کا میچ کھیلا جائے گا اس میں جو ٹیم جیتے گی وہ ایلمنیٹر 2 میں لاہور قلندرز سے ٹکرائے گی جبکہ فیصلہ کن معرکہ 27 فروری کو ہوگا۔
