پی ایس ایل: اعصاب شکن میچ، قلندرز نے یونائیٹڈ کو شکست دیکر فائنل میں جگہ بنا لی

لاہور: (ویب ڈیسک) پاکستان سپر لیگ (پی ایس ایل) کے ساتویں ایڈیشن کے دوسرے ایلمینٹر میچ میں لاہور قلندرز نے اسلام آباد یونائیٹڈ کو ہرا کر فائنل میں جگہ بنا لی جہاں پر ان کا مقابلہ ملتان سلطانز کے ساتھ ہوگا۔

تفصیلات کے مطابق پاکستان سپر لیگ (پی ایس ایل) کے ساتویں ایڈیشن کے دوسرے ایلمینٹر میچ میں لاہور قلندرز کی کپتانی شاہین شاہ آفریدی اور اسلام آباد یونائیٹڈ کی کپتانی شاداب خان کر رہے تھے۔

لاہور قلندرز بیٹنگ:  

لاہور قلندرز نے پہلے کھیلتے ہوئے مقررہ اوورز میں 168 رنز بنائے۔عبد اللہ شفیق 52 ، کامران غلام 30، محمد حفیظ 28 رنز بنا کر نمایاں رہے، دیگر کھلاڑیوں میں فخر زمان 1، فل سالٹ 2، ہیری بروک2، سمٹ پٹیل 21 رنز بنا کر پویلین لوٹے۔ ڈیوڈ ویزے 26 اور شاہین شاہ آفریدی صفر پر ناٹ آؤٹ رہے۔ لیام ڈاؤسن اور محمد وسیم نے دو دو وکٹیں حاصل کیں۔

اسلام آباد یونائیٹڈ بیٹنگ:

ہدف کے تعاقب میں اسلام آباد یونائیٹڈ 162 رنز بنا کر آؤٹ ہو گئی، ہدف کے تعاقب میں پاؤل سٹرلنگ 13، ایلکس ہیلز 38 ، ول جیک 0، شاداب خان 14، لیام ڈاؤسن12 ، اعظم خان 40، حسن علی 6، آصف علی25، وسیم جونیئر 4 رنز بنا کر آؤٹ ہوئے۔ زمان خان، شاہین شاہ آفریدی اور حارث رؤف نے 2,2 وکٹیں حاصل کیں۔
 

لاہور قلندرز سکواڈ:

فخر زمان، عبد اللہ شفیق، کامران غلام، محمد حفیظ، ہیری بروک، فل سالٹ، سمٹ پٹیل، ڈیوڈ ویزے، شاہین شاہ آفریدی، حارث رؤف، زمان خان 

اسلام آباد یونایئٹڈ سکواڈ: 

ایلکس ہیلز، وِل جیک، سٹرلنگ، شاداب خان، آصف علی، اعظم خان، محمد وسیم، لیام ڈاؤسن، حسن علی، اطہر محمود، وقاص مقصود 

TOSS ALERT 
Lahore have won the toss and they will be batting first 
Let the games begin! #HBLPSL7 l #LevelHai l #LQvIU pic.twitter.com/dn5r5YKU79

— PakistanSuperLeague (@thePSLt20) February 25, 2022