لندن:(دنیا نیوز) کاؤنٹی کرکٹ کے میچ میں شہد کی مکھیوں نے حملہ کر دیا جس سے کھلاڑیوں اور امپائر نے زمین پر لیٹ کر جان بچائی۔
بابائے کرکٹ انگلینڈ میں جاری کاؤنٹی چیمپئن شپ میں لیسسٹر شائر اور سسیکس کے دوران میچ کھیلا جا رہا تھا کہ شہد کی مکھیوں نے حملہ کر دیا جس سے بچنے کے لیے کھلاڑی اور امپائر زمین پر لیٹ گئے۔
کمنٹری کرنے والوں نے بھی خوب قہقہے لگائے جس سے کرکٹ شائقین بھی محظوظ ہوئے، کچھ ہی دیر کھیل رکنے کے بعد کھیل دوبارہ شروع کر دیا گیا۔
