کولمبو: (دنیا نیوز) سری لنکا میں جاری صدر مملکت کے خلاف احتجاج میں لیجنڈری جے سوریا، کمار سنگا کارا اور جے وردھنے سمیت سابق کرکٹر بھی شامل ہو گئے۔
سری لنکا میں حکومت کے خلاف جاری احتجاج میں شدت آتی جارہی ہے اور اب سابق کرکٹرز بھی حکومت کے استعفےکا مطالبہ کرتے ہوئے مظاہرین کے حق میں سامنے آگئے ہیں۔ پولیس نے مظاہرین کو منتشر کرنے کے لیے واٹرکینن کا استعمال کیا، ہوائی فائرنگ اور آنسو گیس کی شیلنگ کی، رپورٹ کے مطابق سری لنکن صدر راجاپاکسےکو ان کی رہائش گاہ سے پہلے ہی بحفاظت نکال لیا گیا تھا۔
سری لنکن میڈیا کے مطابق بدترین معاشی بحران کے خلاف عوام کے شدید احتجاج پر وزیراعظم رانیل وکرماسنگھے نے مستعفی ہونےکی پیش کش کردی ہے۔
وزیراعظم آفس کا کہنا ہے کہ وزیراعظم کُل جماعتی حکومت بنانے کے لیے مستعفی ہونےکو تیار ہیں۔
خیال رہے کہ سری لنکا کئی ماہ سے خوراک، ادویات،ایندھن، بجلی کی کمی اور شدید مہنگائی جیسے مسائل کا شکار ہے۔
اُدھر لیجنڈ بلے باز کمارا سنگاکارا نے عوام کی جانب سے صدارتی محل کے گھیراؤ کی ویڈیو ٹویٹر پر شیئر کرتے ہوئے لکھا کہ یہ ہمارے مستقبل کے لیے ہے۔
This is for our future. pic.twitter.com/pSMmo4o81Q
— Kumar Sangakkara (@KumarSanga2) July 9, 2022
سابق سری لنکن کپتان اور جارح مزاج بلے باز سنتھ جے سوریا تو خود احتجاج میں شامل ہوگئے۔
— Sanath Jayasuriya (@Sanath07) July 9, 2022
The people are getting agitated. What part of resign or go home don’t you understand Mr. President and Mr. Prime Minister this is not a Mr. BEAN movie this is real life your playing with people lives. #GoHomeGota #GoHomeRanil pic.twitter.com/XGRWXlpGhn
— Sanath Jayasuriya (@Sanath07) July 9, 2022
ایک ٹوئٹ میں جے سوریا نے سری لنکن صدر اور وزیراعظم کو مخاطب کرتے ہوئےکہا کہ عوام مشتعل ہو رہے ہیں، استعفیٰ دیں اور گھر چلے جائیں، آپ کو سمجھ نہیں آتی، جناب صدر اور جناب وزیراعظم، یہ مسٹر بین کی فلم نہیں یہ حقیقی زندگی ہے، آپ لوگوں کی زندگیوں سے کھیل رہے ہیں۔
مہیلا جے وردھنے نے لکھا کہ ہم نے بحیثیت ملک اپنی سمت بدل دی ہے اور اسے نہیں بدلا جاسکتا، اب عوام بول پڑے ہیں۔
ایک اور ٹوئٹ میں جے وردھنے نے سری لنکن صدر کو مسٹربین کہتے ہوئےلکھا کہ مسٹر بین اب مزید کوئی ڈیل نہیں، برائے مہربانی مستعفی ہوجائیں۔
We as a country has changed direction and nothing can change that… people have spoken!! #GoHomeGota #peoplepower https://t.co/ptmlrM5ewz
— Mahela Jayawardena (@MahelaJay) July 8, 2022
سری لنکا کی طرف سے پچیس ٹیسٹ ، چوبیس ون ڈے اور واحد ٹی 20 انٹرنیشنل کھیلنے والے سابق بولر دھمیکا پرساد بھی احتجاج کا حصہ بن گئے۔
Proud to be a proud Sri Lankan pic.twitter.com/wBn6Up9R4h
— Dhammika Prasad (@imDhammika) July 9, 2022
