روٹرڈیم:(ویب ڈیسک) پاکستان نے سنسنی خیز مقابلے کے بعد نیدر لینڈز کے تیسرے اور آخری ون ڈے میچ میں 9 رنز سے شکست دیکر سیریز میں وائٹ واش کردیا۔
نیدر لینڈز کے شہر روٹرڈیم میں کھیلے گئے آخری ایک روزہ میچ کے لئے قومی ٹیم کے کپتان بابر اعظم نے ٹاس جیت کر پہلے بیٹنگ کرنے کا فیصلہ کیا۔
successive ODI series whitewash achieved
— Pakistan Cricket (@TheRealPCB) August 21, 2022
ODI wins on the trot
Congratulations boys! #NEDvPAK | #BackTheBoysInGreen pic.twitter.com/PTVrMJiefA
نیدر لینڈز بیٹنگ
207 رنز ہدف کے تعاقب میں نیدر لینڈز کی ٹیم نے سخت مقابلہ کیا تاہم پوری ٹیم آخری اوور میں ہمت ہار گئی اور 49 اعشاریہ 2 اوورز میں 197 رنز بناکر پویلین لوٹ گئی، ٹام کوپر نے سب سے زیادہ 62 رنز کی اننگز کھیلی، وکرم جیت سنگھ 50 سکور بناکر دوسرے نمایاں بیٹر رہے۔
پاکستان کی جانب سے نسیم شاہ نے اپنے کیریئر کی بہترین باؤلنگ کراتے ہوئے 5 مخالف بیٹر کو ٹھکانے لگایا، محمد وسیم جونیئر نے 4 وکٹ حاصل کیں جبکہ ایک کھلاڑی رن آؤٹ ہوا۔
پاکستان بیٹنگ
Pakistan are bowled out for 206 in 49.4 overs
— Pakistan Cricket (@TheRealPCB) August 21, 2022
Work cut out for our bowlers after the break #NEDvPAK | #BackTheBoysInGreen pic.twitter.com/wxBOXato03
میزبان ٹیم کے خلاف پہلے بیٹنگ کرتے ہوئے قومی ٹیم نے 49 اعشاریہ 4 اوورز میں 206 رنز بناکر آؤٹ ہوگئی، اوپنر عبداللہ شفیق صرف 2 اور فخر زمان 26 رنز بناکر پویلین لوٹے، کپتان بابر اعظم نے ایک مرتبہ پھر شاندار بلے بازی کا مظاہرہ کیا، تاہم وہ بدقسمتی سے نروس نائنٹی کا شکار ہوگئے اور 2 چھکوں، 7 چوکوں کی مدد سے 125 گیندوں پر 91 رنز بناکر آؤٹ ہوگئے، محمد نواز نے 27 اور آغا سلمان نے 24 رنز کی اننگز کھیلی۔
نیدر لینڈز کی جانب سے باس ڈی لی ڈی نے سب سے زیادہ 3 کھلاڑیوں کو آؤٹ کیا، ویویان کنگما نے 2، آریان دت، شاریز احمد اور لوگان وان بیک نے 1،1 وکٹ حاصل کی۔