لاہور : ( ویب ڈیسک ) پاکستان ویمنز کرکٹ ٹیم کی کھلاڑی عالیہ ریاض نے کہا ہے کہ ورلڈ کپ سے پہلے آسٹریلیا سے ٹی ٹونٹی سیریز سے ہمیں ورلڈ کپ کی تیاری کے لئے بہت مدد ملے گی۔
پاکستان کرکٹ بورڈ (پی سی بی) کے جاری کردہ اعلامیہ کے مطابق قومی ویمن کرکٹر عالیہ ریاض نے کہا کہ آسٹریلیا سے ٹی ٹونٹی سیریز سے ہمیں ورلڈ کپ کی تیاری کے لئے بہت مدد ملے گی، آسٹریلیا کے خلاف سیریز کی تیاری بہت اچھی چل رہی ہے۔
عالیہ ریاض نے کہا کہ کوچز کھلاڑیوں کے ساتھ انفرادی اسکلز پر بھی بہت کام کر رہے ہیں، گورنر جنرل الیون کے خلاف میچ سیریز کی تیاریوں کے لیے بہت اچھا ثابت ہو گا، اس میچ سے ہمیں گرائونڈ اور پچ کا اندازہ ہو جائے گا۔
انہوں نے کہا کہ کوشش ہو گی سیریز میں اچھی فائٹ کریں اور اچھے نتائج دیں۔
@aliya_riaz37 reviews the team s preparations as she looks forward to the Australia series#AUSWvPAKW | #BackOurGirls pic.twitter.com/lC0i5toRdo
— Pakistan Cricket (@TheRealPCB) January 12, 2023
قبل ازیں پاکستان ویمن کرکٹ ٹیم نے ایک روز آرام کے بعد برسبن کے ایلن بارڈر فلیڈمیں ٹریننگ سیشن میں حصہ لیا۔
واضح رہے کہ پاکستان اور آسٹریلیا کی ویمن ٹیموں کے درمیان ون ڈے سیریز کا پہلا میچ پیر 16 جنوری کو ایلن بارڈر فلیڈ میں کھیلا جائے گا ۔
