ہمبنٹوٹا: (دنیا نیوز) پہلے ون ڈے میچ میں پاکستان نے افغانستان کو 142 رنز سے شکست دیدی۔
202 رنز کے ہدف کے تعاقب میں افغانستان کی آل ٹیم 19.2 اوورز میں مخص 59 رنز بنا کر آؤٹ ہوگئی، پاکستان کی جانب سے حارث رؤف نے 5 ، شاہین شاہ آفریدی اور نسیم شاہ نے 2، 2 وکٹیں حاصل کیں۔
— Pakistan Cricket (@TheRealPCB) August 22, 2023
قبل ازیں پاکستان کی پوری ٹیم 48 ویں اوور کی پہلی گیند پرہی 201 رنز بنا کر پویلین لوٹ گئی تھی، امام الحق 61 رنز بنا کر نمایاں رہے۔
— Pakistan Cricket (@TheRealPCB) August 22, 2023
سری لنکا کے شہر ہمبنٹوٹا میں ہونیوالی پاک افغان ون ڈے سریز کے پہلے میچ میں پاکستان نے ٹاس جیت کر پہلے بیٹنگ کا فیصلہ کیا تاہم میچ شروع ہوتے ہیں پاکستان کو زبردست جھٹکا لگا، فخر زمان نے ابھی 4 ہی گیندوں کا سامنا کیا تھا کہ 2 سکور بنا کر فضل حق فاروقی کی گیند کا شکار ہوگئے۔
— Afghanistan Cricket Board (@ACBofficials) August 22, 2023
کپتان بابر اعظم کریز پر آئے تو وہ بھی زیادہ دیر ٹک نہ سکے اور محض 3 گیندوں کا سامنا کر کے بغیر کوئی رنز بنائے ہی آؤٹ ہو گئے۔
— Afghanistan Cricket Board (@ACBofficials) August 22, 2023
کپتان بابر اعظم کے بعد وکٹ کیپر بلے باز محمد رضوان نے ٹیم کے مجموعی سکور میں تھوڑا اضافہ کیا تاہم وہ بھی لمبی اننگز کھیلنے میں ناکام رہے، محمد رضوان 22 گیندوں پر 21 رنز بنا کر چلتے بنے،شاداب خان نے 39 اور افتخار احمد نے 30 رنز بنائے۔
افغانستان کی جانب سے مجیب الرحمن نے 4 جبکہ محمد نبی اور راشد خان نے دو،دو وکٹیں حاصل کیں، فضل حق فاروقی اور رحمت شاہ کے حصے میں ایک ایک وکٹ آئی۔
— Pakistan Cricket (@TheRealPCB) August 22, 2023
دونوں ٹیموں کے درمیان دوسرا میچ 24 جبکہ تیسرا اور آخری میچ 26 اگست کو کھیلا جائے گا۔
