سری لنکا کے سٹیڈیم میں ہونے والے ایشیا کپ کے فائنل میں لنکن ٹیم اپنے ہوم گراؤنڈ پر ریت کی دیوار ثابت ہوئی اور انڈین پیس اٹیک کے سامنے بالکل بے بس دکھائی دی۔

میچ کے بعد پریس کانفرنس کرتے ہوئے سری لنکن کپتان نے بڑی تعداد میں سٹیڈیم آنے پر عوام کا شکریہ ادا کرتے ہوئے کہا کہ ہم معذرت خواہ ہیں کہ ہم نے آپ لوگوں کو مایوس کیا۔

میڈیا رپورٹس کے مطابق اگلے ماہ 5 اکتوبر سے شروع ہونے والے ورلڈکپ سے قبل داشن شناکا کی جانب سے سری لنکن ٹیم کی کپتانی چھوڑے جانے کا امکان ہے اور اس کا باقاعدہ اعلان سری لنکن کرکٹ بورڈ کرے گا۔

رپورٹس کے مطابق ورلڈکپ سے صرف چند روز قبل اس قسم کا فیصلہ سری لنکن ٹیم کے لیے بڑا سیٹ بیک ہو سکتا ہے کیونکہ شناکا کا شمار سری لنکا کے بہترین آل راؤنڈرز میں ہوتا ہے اور انہوں نے لنکن ٹیم کو ایک مضبوط یونٹ بنانے میں اہم کردار ادا کیا، یہی وجہ ہے کہ کوئی بھی اس فیصلے کو اس وقت درست قرار نہیں دے رہا۔