نئی دہلی: (دنیا نیوز) آئی سی سی کرکٹ ورلڈ کپ 2023ء کے چوتھے میچ میں جنوبی افریقہ نے سری لنکا کو 102 رنز سے شکست دے دی۔
جنوبی افریقہ کی جانب سے ورلڈ کپ تاریخ کے سب سے بڑے ہدف 429 رنز کے تعاقب میں سری لنکن ٹیم 45 ویں اوور میں 326 رنز پر ڈھیر ہو گئی۔
سری لنکا کی جانب سے اسالنکا 79 اور کوشال مینڈس 76 رنز بنا کر نمایاں رہے، اسن شاناکانے 68 رنز کی اننگز کھیلی جبکہ سمارا وکرما نے 23 اور دھننجایا ڈی سلوا نے 11 رنز بنائے۔
جنوبی افریقہ کی جانب سے جیرالڈ کوٹزی نے 3 وکٹیں حاصل کیں، مارکو جانسن، کگیسو رباڈا اور کیشو مہاراج کے حصے میں دو، دو وکٹیں آئیں۔
اس سے قبل نئی دہلی کے ارون جیٹلی کرکٹ سٹیڈیم میں کھیلے گئے میچ میں سری لنکن ٹیم کے کپتان داسن شناکا نے ٹاس جیت کر پہلے فیلڈنگ کرنے کا فیصلہ کیا۔
— ICC (@ICC) October 7, 2023
جنوبی افریقہ کی ٹیم نے پہلے بلے بازی کرتے ہوئے اننگز کا جارحانہ آغاز کیا، وکٹ کیپر بلے باز ڈی کاک نے 100 رنز بنائے جبکہ ڈسن 108 رنز بنا کر سب سے نمایاں بلے باز رہے۔
— ICC (@ICC) October 7, 2023
جنوبی افریقہ کے ایڈن مارکرم نے ورلڈ کپ میں تیز ترین سنچری کا نیا ریکارڈ قائم کر دیا، ایڈن مارکرم نے محض 49 گیندوں پر سنچری بنائی، ایڈن مارکرم 106 رنز کے ساتھ دوسرے نمایاں بلے باز رہے۔
— ICC (@ICC) October 7, 2023
مجموعی طور پر جنوبی افریقہ کے 3 بلے بازوں نے سنچریاں بنائیں، سری لنکا کی جانب سے دلشان مادوشنکا نے 2 جبکہ کسن راجیتھا، متھیشا پتھیرانا اور دونیتھ نے ایک، ایک وکٹ حاصل کی۔
— ESPNcricinfo (@ESPNcricinfo) October 7, 2023
قبل ازیں ٹاس کے موقع پر گفتگو کرتے ہوئے سری لنکن ٹیم کے کپتان کا کہنا تھا کہ رات میں اوس پڑنے کا امکان ہے اس لیے باؤلنگ کرنا چاہتے ہیں، انجریز سے ٹیم متاثر ہوئی لیکن جیت کیلئے پر عزم ہیں۔
— ICC (@ICC) October 7, 2023
دوسری جانب جنوبی افریقہ کے کپتان ٹمبا بووما نے کہا کہ ٹاس جیت کر پہلے فیلڈنگ کا فیصلہ کرتے تاہم کوشش ہوگی بڑا ہدف دے کر حریف کو پریشر میں لائیں۔
یہ بھی پڑھیں: بنگلہ دیش نے افغانستان کو 6 وکٹوں سے شکست دے دی
خیال رہے کہ اس سے قبل ایونٹ کے تیسرے میچ میں بنگلا دیش کی ٹیم نے افغانستان کو 6 وکٹوں سے شکست دی تھی، بنگال ٹائیگرز نے157 رنز کا ہدف 35ویں اوور میں حاصل کیا تھا۔
