لکھنؤ: (دنیا نیوز) آئی سی سی کرکٹ ورلڈکپ کے دسویں میچ میں جنوبی افریقہ نے آسٹریلیا کو 134 رنز سے بآسانی شکست دیدی۔
بھارت کے شہر لکھنؤ کے رن شری اٹل بہاری واجپائی ایکانا کرکٹ سٹیڈیم میں ہونیوالے آئی سی سی کے دسویں میچ میں آسٹریلوی کپتان نے ٹاس جیت کر پہلے باؤلنگ کا فیصلہ کیا،جنوبی افریقہ نے پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 311 رنز بنائے۔
312 رنز کے ہدف کے تعاقب میں آسٹریلیا کی پوری ٹیم40.5 اوورز میں 177 رنز بناکر آؤٹ ہوگئی، جنوبی افریقہ کی جانب سے کاگیسو ربادا نے 3، کیشو مہاراج ، مارکو جانسن اور تبریز شمسی نے 2،2 جبکہ لونگی نگیڈی نے ایک وکٹ حاصل کی۔
— ESPNcricinfo (@ESPNcricinfo) October 12, 2023
آسٹریلیا کی جانب سے ہدف کے تعاقب میں اننگز کا آغاز مایوس کن رہا، اوپنر بلے باز ڈیوڈ وارنر 13 رنز بنا کر لونگی نگیڈی کی گیند پر کیچ آؤٹ ہوگئے جبکہ مچل مارش 7 رنز بنا کر پویلین لوٹ گئے۔
سٹیون سمتھ بھی ٹیم کو سہارا دینے میں ناکام رہے اور 19 رنز بنا کر کاگیسو ربادا کی گیند پر ایل بی ڈبلیو جبکہ جوش انگلس5 رنز بنا کر ربادا کی گیند پر بولڈ ہوگئے، دیگر کھلاڑیوں میں مارکس سٹوئنس5 اور گلین میکسویل 3 رنز بنا کر چلتے بنے۔
— ESPNcricinfo (@ESPNcricinfo) October 12, 2023
آسٹریلیا کی ساتویں وکٹ مجموعی 139 رنز پر گری جب مچل سٹارک 27 رنز بنا کر جانسن کی گیند پر کیچ آؤٹ ہوئے، مارنس لبوشین بھی 46 رنز بنا کر پویلین لوٹ گئے۔
قبل ازیں جنوبی افریقا کی جانب سے اننگز کا آغاز اوپننگ بیٹسمین کوئنٹن ڈی کاک اور کپتان ٹیمبا باووما نے کیا، اوپننگ بیٹسمینوں کے درمیان 108 رنز کی شراکت داری قائم ہوئی اور پھر کپتان ٹیمبا باووما 35 رنز بناکر کیچ آؤٹ ہوگئے،کوئنٹن ڈی کوک5 چھکوں اور 8 چوکوں کی مدد سے 109 رنز کی اننگز کیساتھ نمایاں رہے۔
— ICC Cricket World Cup (@cricketworldcup) October 12, 2023
دیگر کھلاڑیوں میں وین ڈر ڈوسن 26 رنز بناسکے، ایڈن مارکرم 56، ہینرک کلاسن 29 رنز بناکر آؤٹ ہوگئے، آسٹریلیا کی جانب سے گلین میکسویل اور مچل سٹارک نے 2،2 جبکہ ایڈم زمپا، جوش ہیزل ووڈ اور پیٹ کمنز نے ایک ایک وکٹ حاصل کی۔
