کراچی: (ویب ڈیسک) اسلام آباد یونائیٹڈ کے فاسٹ باولر نسیم شاہ کو ملتان سلطانز کے خلاف میچ کے دوران ضابطہ اخلاق کے لیول ون کی خلاف ورزی پر میچ فیس کا 10 فیصد جرمانہ عائد کر دیا گیا۔
رپورٹ کے مطابق گزشتہ روز کرکٹ اسٹیڈیم راولپنڈی میں فاسٹ باولر نسیم شاہ پر آرٹیکل 2.2 کی خلاف ورزی کا جو الزام عائد کیا گیا ہے وہ کرکٹ کے سامان یا کپڑوں، گراؤنڈ آلات یا فکسچر اور فٹنگ کے غلط استعمال سے متعلق ہے۔
نسیم شاہ نے ملتان سلطانز کیخلاف اننگز کی آخری گیند کے بعد اسٹمپ کو کک ماری تھی۔ نسیم شاہ نے جرم کا اعتراف کرتے ہوئے میچ ریفری روشن مہاناما کی تجویز کردہ پابندیوں کو قبول کر لیا، جس کے بعد باقاعدہ سماعت کی ضرورت نہیں محسوس کی گئی، الزام آن فیلڈ امپائرز روچیرا پالیا گروگے اور محمد آصف نے لگایا تھا۔
دریں اثنا، اسی میچ میں ایک الگ واقعے میں ملتان سلطانز پر سلو اوور ریٹ برقرار رکھنے پر جرمانہ عائد کیا گیا، میچ ریفری روشن مہاناما نے سلطانز کو اپنے ہدف سے ایک اوور کم ہونے کا حکم دیا، جنہوں نے فیصلے پر پہنچنے سے پہلے وقت کے الاؤنس کو مدنظر رکھا۔
اس طرح کوڈ آف کنڈکٹ برائے پلیئرز اور پلیئر سپورٹ پرسنل کے آرٹیکل 2.22 کے مطابق ہر کھلاڑی پر اس کی میچ فیس کا 10 فیصد جرمانہ عائد کیا گیا۔
