دبئی: (دنیا نیوز) انٹرنیشنل کرکٹ کونسل (آئی سی سی) نے ٹیسٹ رینکنگ جاری کردی۔
نئی ٹیسٹ رینکنگ کے مطابق ویسٹ انڈیز کیخلاف ملتان ٹیسٹ میچ میں 9 وکٹیں لینے والے قومی ٹیم کے سپنر ساجد خان 18 درجے ترقی پاکر 23ویں پوزیشن پر آگئے ہیں جبکہ نعمان علی نے 2 درجے ترقی کے بعد کیریئر بیسٹ 9ویں پوزیشن حاصل کرلی ہے۔
ٹیسٹ باؤلنگ رینکنگ میں بھارت کے جسپریت بمراہ 908 ریٹنگ پوائنٹس کیساتھ پہلی پوزیشن پر موجود ہیں جبکہ آسٹریلیا کے پیٹ کمنز کا 841 پوائنٹس کے ساتھ دوسری پوزیشن پرقبضہ ہے۔
دوسری جانب بیٹرز کی رینکنگ میں کوئی رودبدل نہیں ہوا، ٹیسٹ رینکنگ میں جو روٹ پہلی، ون ڈے میں بابراعظم اور ٹی20 فارمیٹ میں ٹریوس ہیڈ پہلی پوزیشن پر قبضہ جمائے ہوئے ہیں۔
