میلبرن: (ویب ڈیسک) آسٹریلیا کے سپنر میتھیو کوہنیمن کا باؤلنگ ایکشن مشکوک قرار دے دیا گیا۔
کرکٹ آسٹریلیا نے میتھیو کوہنیمن کا باؤلنگ ایکشن مشکوک قرار دیے جانے کی تصدیق کر دی، میتھیو کوہنیمن نے آسٹریلیا کو سری لنکا کے خلاف ٹیسٹ سیریز میں فتح دلانے میں اہم کردار ادا کیا۔
میتھیو کوہنیمن نے آسٹریلیا کی جانب سے سیریز میں سب سے 16 زیادہ وکٹیں حاصل کیں۔
میچ آفیشلز نے بائیں ہاتھ کے سپنر کے ایکشن کو مشکوک اور غیر قانونی قرار دیا، باؤلنگ ایکشن کو گال میں ہونے والے دوسرے ٹیسٹ میچ میں مشکوک قرار دیا گیا۔
اس حوالے سے کرکٹ آسٹریلیا کا کہنا ہے کہ میتھیو کوہنیمن کے باؤلنگ ایکشن کا اب باضابطہ تجزیہ کرایا جائے گا، ان کے باؤلنگ ایکشن کا تجزیہ رپورٹ ہونے کے 14 روز کے اندر کرایا جائے گا۔
میتھیو کوہنیمن ڈومیسٹک کرکٹ میں باؤلنگ کرسکتے ہیں لیکن وہ انٹرنیشنل لیول پر باؤلنگ نہیں کرا سکتے۔
