لاہور: (دنیا نیوز) پاکستان کرکٹ بورڈ (پی سی بی) نے پاکستان شاہینز کے تین سکواڈز کا اعلان کردیا جو 19 فروری سے 9 مارچ تک ہونے والی آئی سی سی چیمپئنز ٹرافی 2025 کے وارم اپ میچز میں حصہ لیں گے۔
14 فروری کو افغانستان کے خلاف قذافی سٹیڈیم میں ہونے والے میچ کے لیے پاکستان شاہینز کی کپتانی شاداب خان کریں گے جبکہ منصور امجد کوچ کم منیجر کے طور پر کام کریں گے۔
نیشنل سٹیڈیم کراچی میں جنوبی افریقہ کے خلاف 17 فروری کو ہونے والے میچ کے لیے محمد ہریرہ ٹیم کی قیادت کریں گے اور اعجاز احمد جونیئر کوچ کم منیجر ہوں گے۔
اسی دن (17 فروری) کو دبئی میں پاکستان شاہینز کا مقابلہ بنگلہ دیش سے ہوگا جس میں محمد حارث کپتان اور عمر گل کوچ کم منیجر ہوں گے۔
شاہینز سکواڈز
بمقابلہ افغانستان، قذافی سٹیڈیم لاہور
شاداب خان (کپتان)، عبدالفصیح، عرفات منہاس، حسین طلعت، عرفان خان نیازی، جہانداد خان، کاشف علی، محسن ریاض، محمد عباس آفریدی، محمد اخلاق، محمد عامر خان، محمد عمران رندھاوا
بمقابلہ جنوبی افریقہ، نیشنل سٹیڈیم کراچی
محمد ہریرہ (کپتان)، عماد بٹ، فیصل اکرم، غازی غوری، حسن نواز، امام الحق، خرم شہزاد، معاذ صداقت، مہران ممتاز، نیاز خان، قاسم اکرم، سعد خان
بمقابلہ بنگلہ دیش، آئی سی سی اکیڈمی دبئی
محمد حارث (کپتان)، عامر جمال، عبدالصمد، علی رضا، اذان اویس، محمد موسٰی، محمد وسیم جونیئر، مبصر خان، عمیر یوسف، صاحبزادہ فرحان، سفیان مقیم، اسامہ میر
