لاہور: (ویب ڈیسک) پاکستان سپر لیگ (پی ایس ایل) 10 کے لیے ری پلیسمنٹ ڈرافٹ آج ہوں گے۔
پاکستان کرکٹ بورڈ (پی سی بی) نے کہا ہے کہ پی ایس ایل 10 کے ری پلیسمنٹ ڈرافٹ آج ہوں گے، پی ایس ایل ری پلیسمنٹ ڈرافٹ ورچوئل سیشن میں ہو گا۔
پی سی بی کے مطابق 5 کرکٹرز چند میچز کے لیے اپنی فرنچائزز کو دستیاب نہیں، فرنچائزز جزوی طور پر عدم دستیاب کھلاڑیوں کے متبادل پلیئرز لیں گی، پشاور زلمی ناہید رانا اور کراچی کنگز لٹن داس کے متبادل کھلاڑی لے گی جبکہ رسی وین ڈر ڈوسن، مارک چیپمین اور کین ولیمسن بھی چند میچز کیلئے دستیاب نہیں ہیں۔
پی سی بی کا مزید کہنا ہے کہ پشاور زلمی کاربن بوش کی جگہ پورے سیزن کے لیے کھلاڑی کا انتخاب کرے گی جبکہ ایچ بی ایل پی ایس ایل کا دسواں ایڈیشن 11 اپریل سے شروع ہو گا۔
