لاہور: (ویب ڈیسک) پاکستان کرکٹ ٹیم کے سابق کپتان محمد حفیظ نے بھارتی حملوں کو بزدلانہ اور شرمناک قرار دے دیا۔
سوشل میڈیا پر اپنے ایک بیان میں محمد حفیظ نے کہا کہ بھارت کی جانب سے بزدلانہ اور غیر قانونی حملے شرمناک اقدام میں بدل گئے، ہم بحیثیت قوم پاکستان کے دفاع کے لیے متحد ہیں۔
محمد حفیظ کے اس پیغام کو سوشل میڈیا صارفین کی جانب سے بہت پسند کیا گیا ہے، صارفین نے کمنٹ سیکشن میں پاکستان سے اپنی محبت کا بھی کھل کر اظہار کیا۔
علاوہ ازیں سابق فاسٹ باؤلر شعیب اختر نے سوشل میڈیا اکاؤنٹ پر قومی پرچم کی تصویر پوسٹ کر کے لکھا کہ تیرا ہر ایک ذرہ ہم کو اپنی جان سے پیارا۔
شعیب اختر کے بھی اس پیغام کو صارفین نے بہت پسند کیا اور اس کے کمنٹ سیکشن میں بھی لوگوں نے پاکستان سے اپنی بے حد محبت کا اظہار کیا۔
