لاہور: (ویب ڈیسک) پاکستان سپر لیگ (پی ایس ایل) سیزن 10 کے دوسرے ایلیمنیٹر میچ میں آج لاہور قلندرز اوراسلام آباد یونائیٹڈ کے درمیان کانٹے دار مقابلہ ہوگا۔
میچ قذافی سٹیڈیم لاہور میں رات ساڑھے 7 بجے شروع ہوگا، جہاں دونوں ٹیمیں فائنل تک رسائی کیلئے میدان میں اتریں گی۔
لاہور قلندرز اپنے تجربہ کار سکواڈ اور جارحانہ حکمت عملی کے ساتھ میدان میں اترے گی جبکہ اسلام آباد یونائیٹڈ بھی اپنی بیٹنگ اور باؤلنگ کی مضبوطی پر بھروسہ کئے ہوئے ہے۔
انتظامیہ کے مطابق قذافی سٹیڈیم میں سکیورٹی، ٹریفک پلان اور سٹیڈیم انتظامات کو حتمی شکل دے دی گئی ہے، پی ایس ایل 2025 کا فائنل اتوار(25 مئی) کو کھیلا جائے گا۔
