ڈھاکا: (دنیا نیوز) پاکستان کرکٹ ٹیم کا دورہ بنگلا دیش، ٹی 20 انٹرنیشنل سیریز کے لیے قومی سکواڈ بنگلا دیش پہنچ گیا۔
قومی سکواڈ دو گروپس میں بنگلا دیش پہنچا، قومی ٹیم کل آرام کرے گی، پاکستان اور بنگلا دیش کے درمیان 3 ٹی 20 انٹرنیشنل میچز کھیلے جائیں گے۔
پاک بنگلا ٹی 20 سیریز 20 جولائی کو شروع ہو گی، سیریز کے تینوں میچز شیر بنگلا سٹیڈیم ڈھاکا میں کھیلے جائیں گے۔
.jpg)
واضح رہے کہ گزشتہ رات پاکستان کرکٹ ٹیم کے دورہ بنگلادیش کے سلسلے میں قومی سکواڈ کا پہلا دستہ کراچی سے ڈھاکا کیلئے براستہ دبئی روانہ ہوا تھا، پہلے گروپ میں سلمان علی آغا، صائم ایوب، فخر زمان، محمد نواز، ابرار احمد، خوشدل شاہ، فہیم اشرف اور سپورٹ سٹاف شامل تھا۔
