دبئی :(دنیا نیوز) پاکستان کرکٹ ٹیم مینجمنٹ نے بھارت کے خلاف حکمت عملی طے کر لی، کل میچ میں پلیئنگ الیون میں متعدد تبدیلیوں کا امکان ہے۔
ذرائع کے مطابق ٹیم مینجمنٹ اور کپتان نے آج شام 4 بجے ہوٹل میں پلئینگ الیون کے حوالے سے میٹنگ کی، ٹیم مینجمنٹ اور کپتان نے صائم ایوب کے بیٹنگ آرڈر تبدیل کرنے پر بات کی۔
صائم ایوب کو اوپننگ سے ہٹا کر نمبر چار پر بیٹنگ کروائے جانے کا امکان ہے، حسن نواز کو ڈراپ کرتے ہوئے حسین طلعت کو پلیئنگ الیون میں شامل کئے جانے کا امکان ہے۔
فاسٹ بولنگ میں شاہین اور حارث کو ہی رکھنے پر اتفاق کیا گیا، یاد رہے پاکستان اور بھارت کے درمیان سپر فور مرحلے کا میچ کل دبئی سٹیڈیم میں کھیلا جائے گا۔
