اسلام آباد: (دنیا نیوز) چیئرمین پی سی بی محسن نقوی نے قومی ٹیم کے اعزاز میں عشائیہ دیا۔
عشائیے میں قومی ٹیم کے کھلاڑیوں اور ٹیم مینجمنٹ نے شرکت کی، چیئرمین پی سی بی محسن نقوی نے کہا کہ ٹیم نے بہترین کارکردگی دکھا کر سر فخر سے بلند کیا،اسی جذبے سے کھیلیں انشاء اللہ مزید کامیابیاں ملیں گی۔
محسن نقوی نے کہا کہ امید ہے قومی ٹیم آئندہ بھی ملک و قوم کا نام روشن کرتی رہے گی، کرکٹ محض کھیل نہیں بلکہ دوستی اور باہمی احترام کا پل ہے۔
چیئرمین پی سی بی نے مزید کہا کہ امید ہے پاکستانی ٹیم کرکٹ کی درخشاں روایات کی ہمیشہ پاسداری کرے گی۔
