اسلام آباد: (دنیا نیوز) وزیرِ اعظم شہباز شریف نے رائزنگ سٹارز ایشیاء کپ کے فائنل میں پاکستانی ٹیم کی شاندار فتح پر پوری قوم کو مبارکباد دی۔
جاری بیان میں وزیرِ اعظم شہباز شریف کا کہنا ہے کہ پاکستانی کھلاڑیوں نے کمال مہارت سے ٹورنامنٹ میں کامیابی حاصل کی، چیئرمین پی سی بی محسن رضا نقوی، ٹیم کے کوچز اور بورڈ حکام بھی اس فتح پر لائق تحسین ہیں، پاکستانی کھلاڑی دنیا بھر میں اپنی صلاحیتوں سے ملک و قوم کا نام روشن کر رہے ہیں۔
— Shehbaz Sharif (@CMShehbaz) November 23, 2025
خیال رہے کہ پاکستان شاہینز نے بنگلادیش اے کو فائنل میں شکست دے کر ایشیا کپ رائزنگ سٹارز ٹی ٹوئنٹی کا ٹائٹل اپنے نام کر لیا ہے، مقررہ 20 اوورز میں مقابلہ برابر ہونے کے بعد سپر اوور میں میچ کا فیصلہ ہوا۔
دونوں ٹیموں نے 20، 20 اوور میں 125، 125 رنز بنائے تھے جس کے بعد میچ کا فیصلہ سپر اوور میں ہوا، سپر اوور میں بنگلا دیش کی ٹیم 6 رنز بناکر آؤٹ ہوگئی، پاکستان نے سپر اوور میں 7 رنز کا ہدف 4 گیندوں پر حاصل کرلیا۔
