برسبین: (ویب ڈیسک) آسٹریلیا نے ایشیز سیریز کے دوسرے ٹیسٹ کے لیے سکواڈ کا اعلان کردیا۔
آسٹریلوی سلیکٹرز نے گابا میں ڈے اینڈ نائٹ ایشیز ٹیسٹ کے لیے پرتھ ٹیسٹ میں فتح حاصل کرنے والی ٹیم میں کوئی تبدیلی نہیں کی ہے۔
آسٹریلوی کپتان پیٹ کمنز کو مکمل صحت یاب نہ ہوپانے کے باعث سکواڈ میں شامل نہیں کیا گیا جبکہ جوش ہیزل ووڈ بھی انجری مسائل کے سبب دستیاب نہ ہو سکے۔
آسٹریلیا کے 14 رکنی سکواڈ میں تجربہ کار اوپنر عثمان خواجہ بھی شامل ہیں جو سیریز کے افتتاحی میچ کی دوسری اننگز میں کمر کی تکلیف کی وجہ سے بیٹنگ نہیں کر سکے تھے لیکن پیٹ کمنز کو اپنی مکمل فٹنس پر واپس آنے کے لیے دو ہفتے کا اضافی وقت دیا گیا ہے۔
کمنز کے پاس ایڈیلیڈ میں 17 دسمبر سے شروع ہونے والے تیسرے میچ کے لیے ٹیم میں واپسی کا مضبوط موقع ہو گا۔
سکواڈ
آسٹریلوی سکواڈ سٹیو سمتھ (کپتان)، سکاٹ بولینڈ، ایلیکس کیری، برینڈن ڈوگیٹ، کیمرون گرین، ٹریوس ہیڈ، جوش انگلس، عثمان خواجہ، مارنوس لبوشین، نیتھن لائن، مائیکل نیسر، مچل سٹارک، جیک ویدرالڈ اور بیو ویبسٹر پر مشتمل ہے۔
