کراچی: (دنیا نیوز) کراچی ایئر پورٹ پر ماڈل کسٹم کلکٹریٹ نے کارروائی کرتے ہوئے نجی کوریئرکے پارسل سے 22 لاکھ روپے سے زائد مالیت کی ہیروئن برآمد کر لی۔
دنیا نیوز کے مطابق کراچی ایئر پورٹ پر کارروائی ڈرگ انفورسمنٹ سیل کے عملے نے کی۔ کارروائی کے دوران پکڑی گئی ہیروئن لندن کیلئے بک کرائی گئی، پارسل سے 225 گرام ہیروئن پکڑی گئی۔
ذرائع کے مطابق ہیروئن خواتین کے دستی بیگز میں چھپائی گئی تھی، پکڑی گئی ہیروئن کی عالمی منڈی میں مالیت 22 لاکھ روپے سے زیادہ ہے، ملزمان کے خلاف مقدمہ درج کر کے مزید تفتیش شروع کر دی گئی ہے۔
