فیصل آباد: (دنیا نیوز) فیصل آباد میں غیر قانونی ہاوسنگ کالونیوں کے خلاف ایف ڈی اے کے بعد ضلعی انتظامیہ بھی متحرک ہو گئی۔ ریونیو فیس جمع نہ کروانے اور سرکاری رقبہ پر قبضہ کے الزام میں تین بڑی ہاوسنگ کالونیوں کے خلاف ایکشن کا حکم دے دیا گیا۔
فیصل آباد کی تین ہاوسنگ اسکیموں کیخلاف ڈی سی نے اینٹی کرپشن حکام کو کاروائی کا حکم دے دیا۔ ڈپٹی کمشنر کی جانب سے انٹی کرپشن حکام کو مراسلہ بجھوایا گیا ہے جس میں کہا گیا ہے کہ واپڈا سٹی، اومیگا سٹی اور سٹی ہاوسنگ سکیم کیخلاف کارروائی کی جائے، ان تینوں کالونیوں کے مالکان کی جانب سے ریونیو فیس جمع نہیں کروائی گئی اور سرکاری رقبہ پر قبضہ بھی ثابت ہوگیا ہے لہذا مذکورہ تینوں رہائشی منصوبوں کی خریدوفروخت فی الفور بند کروادی جائے۔
اس حوالے سے انٹی کرپشن حکام کا کہنا ہے کہ تینوں رہائشی منصوبوں کے مالکان کے بیانات قلمبند کرلئے گئے ہیں، ان کیخلاف انکوائری کے بعد عملی کاروائی کی جائے گی۔
