کراچی: (دنیا نیوز) ذاتی دشمنی یا کچھ اور؟ شہر قائد کراچی میں نامعلوم افراد نے پولیس اہلکار کو فائرنگ کر کے قتل کر دیا۔
قتل کا واقعہ کراچی کے علاقے لانڈھی میں پیش آیا، جہاں نامعلوم افراد نے پولیس اہلکار کو گھر سے باہر بلا کر گولیاں مار دیں، مقتول کو 6 گولیاں لگیں جس کی وجہ سے موقع پر دم توڑ گیا۔
پولیس حکام کا کہنا ہے کہ مقتول 2 بچوں کا باپ اور کرائے کے مکان میں رہائش پذیر تھا، جاں بحق اہلکار معطل ہو چکا، فائرنگ کا واقعہ ذاتی دشمنی کا شاخسانہ لگتا ہے، تحقیقات کی جا رہی ہیں۔
