کراچی: (دنیا نیوز) اینٹی نارکوٹکس فورس (اے این ایف) نے 9 کارروائیوں میں 13 ملزمان گرفتار کر لئے۔
ترجمان اے این ایف کے مطابق کارروائیاں جامشورو،اسلام آباد،ملتان، پشاور،حب،کوئٹہ،ڈی جی خان میں کی گئیں، دوران کارروائی 150.28 کلو گرام منشیات پکڑی گئی۔
حکام کا کہنا ہے کہ ملزمان سے برآمد ہونے والی منشیات میں 75 کلو 300 گرام چرس، 48 کلو 400 گرام افیون، 10 کلو 600 گرام ہیروئن، 9 کلو980 گرام آئس جبکہ 16 عدد نشہ آور گولیاں شامل ہیں۔
ترجمان کے مطابق گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے، گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
