کراچی: (دنیا نیوز) اینٹی نارکوٹکس فورس (اے این ایف) نے 9 مختلف کارروائیوں میں منشیات برآمد کر کے 12 ملزمان گرفتار کر لئے۔
ترجمان اے این ایف کے مطابق کارروائیاں ہری پور، لاہور، کراچی، جھنگ، اسلام آباد، پسنی اور جہلم میں کی گئیں۔
حکام کا کہنا ہے کہ کارروائیوں کے دوران 75.750 کلو گرام سے زائد منشیات پکڑی گئی، برآمد ہونے والی منشیات میں 78 کلو 200 گرام چرس، 7 کلو آئس، 98 آئس بھرے کیپسولز شامل ہیں۔
ترجمان اے این ایف کے مطابق گرفتار ملزم نے تعلیمی اداروں کے طلباء کو منشیات فروخت کرنے کا اعتراف کیا ہے، گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
