کراچی: (دنیا نیوز) کلفٹن بلاک 2 اتوار بازار چائنہ پورٹ کے قریب گراؤنڈ سے ایک شخص کی نعش ملی ہے۔
پولیس کے مطابق نعش کی شناخت 40 سالہ مہتاب احمد کے نام سے ہوئی، متوفی منظور کالونی کا رہائشی اور اسٹیٹ ایجنسی کا کام کرتا تھا، وہ گزشتہ روز گھر سے نکلا اور واپس نہیں لوٹا۔
پولیس کا کہنا ہے کہ متوفی کے پاس سے اس کا قومی شناختی کارڈ، پرس، گھڑی اور دیگر قیمتی چیزیں ملی ہیں، ایسا معلوم ہوتا ہے کہ نعش کو گاڑی میں سوار نامعلوم ملزمان پھینک کر فرار ہوئے، بظاہر جسم پر کسی قسم کے تشدد کے نشانات نہیں۔
پولیس حکام کے مطابق نعش کو پوسٹ مارٹم کیلئے جناح ہسپتال منتقل کر دیا گیا، وقوعہ کی مزید تحقیقات کی جا رہی ہیں۔
