کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں میں 52 کلو سے زائد منشیات برآمد کرلیں۔
ترجمان اے این ایف نے بتایا ہے کہ اینٹی نارکوٹکس فورس نے 7 کارروائیوں میں 52.111 کلو گرام منشیات برآمد کیں، کارروائیوں میں 5 ملزمان کو گرفتار بھی کیا گیا، کارروائیاں راولپنڈی، کراچی، ملتان، پشاور، لاہور اور اسلام آباد میں کی گئیں۔
حکام کے مطابق کارروائیوں میں 24 کلو گرام افیون،19 کلو 379 گرام چرس، 6 کلو 226 گرام ہیروئن،2 کلو 380 گرام آئس جبکہ 200 نشہ آور گولیاں برآمد ہوئیں۔
ترجمان نے مزید بتایا کہ گرفتار ملزمان نے تعلیمی اداروں کے طلبہ کو منشیات فروخت کرنے کا اعتراف کیا ہے، گرفتار ملزمان کے خلاف انسداد منشیات ایکٹ کے تحت مقدمات درج کر لیے گئے ہیں۔
