کراچی: (دنیا نیوز) اینٹی نارکوٹکس فورس (اے این ایف) نے بھاری مقدار میں منشیات برآمد کر کے غیر ملکی سمیت 9 ملزمان گرفتار کر لئے۔
ترجمان اے این ایف کے مطابق کارروائیاں ملتان، نوشہرہ، اسلام آباد، کراچی اور میانوالی میں کی گئیں۔
حکام کا کہنا تھا کہ 6 مختلف کارروائیوں میں 176.315 کلو گرام منشیات برآمد کر کے غیر ملکی سمیت 9 ملزمان کو گرفتار کیا گیا ہے، پکڑی گئی منشیات میں 172 کلو 400 گرام چرس، 3 کلو 915 گرام آئس شامل ہے۔
ترجمان کے مطابق گرفتار ملزم نے تعلیمی اداروں کے طلباء کو منشیات فروخت کرنے کا اعتراف کیا ہے، گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
