لاہور: (دنیا نیوز) صوبائی دار الحکومت کے علاقے فتح گڑھ میں ڈاکوؤں نے خواتین کے بھیس میں گھر میں گھس کر لوٹ مار کی، واقعے کی سی سی ٹی وی فوٹیج سامنے آگئی۔
فوٹیج میں برقع پوش ڈاکوؤں کو گھر میں داخل ہوتے دیکھا جاسکتا ہے، ڈاکوؤں نے شور مچانے پر خواتین پر تشدد کیا اور لوٹ مار کرکے فرار ہوئے۔
شہری نے مقدمہ کے اندراج کے لئے تھانہ ہربنس پورہ میں درخواست دے دی، ڈاکوؤں نے دو تولے سونا، نقدی اور موبائل فون چھینے، شور مچانے پر فرار ہوگئے
سی سی ٹی وی فوٹیج میں ڈاکوؤں کو لوٹ مار کے بعد موٹرسائیکل پر فرار ہوتے ہوئے دیکھا جاسکتا ہے۔
