اسلام آباد: (دنیا نیوز) سائبر کرائم کے بڑھتے ہوئے خطرات کے پیش نظر، حکومت نے ایف آئی اے کے سابق سائبر کرائم ونگ کو ایک خود مختار ادارے کی حیثیت دے دی۔
ترجمان ایف آئی اے کے مطابق یہ نیا ادارہ نیشنل سائبر کرائم انویسٹی گیشن ایجنسی کے نام سے قائم کیا گیا ہے، جسے ملک بھر میں سائبر کرائم کی روک تھام، تحقیقات اور کارروائیوں کے لیے مکمل اختیار حاصل ہے۔
یہ ادارہ آن لائن دھوکہ دہی، ہراسانی، ڈیجیٹل بلیک میلنگ، جعلی ویب سائٹس، شناخت کی چوری، سوشل میڈیا کرائم اور دیگر سائبر سرگرمیوں کے خلاف مؤثر اقدامات کرے گا۔
سائبر کرائمز کی تحقیقات اور شکایات کے لیے ایف آئی اے کا سائبر کرائم ونگ ختم کر دیا گیا، سائبر کرائمز سے متعلق تمام معاملات کے لیے نیشنل سائبر کرائم انویسٹی گیشن ایجنسی کو ذمہ داری سونپی گئی ہے۔
اب سائبر کرائمز کی تحقیقات اور شکایات کے لیے ایف آئی اے کے بجائے عوام کو نیشنل سائبر کرائم انویسٹی گیشن ایجنسی سے رابطہ کرنا ہوگا۔
