صوابی: (دنیا نیوز) خیبرپختونخوا کے ضلع صوابی کے علاقے زروبی میں جائیداد کے تنازع پر نامعلوم افراد نے ماں کو گھر میں جبکہ دو بیٹوں کو قتل کردیا۔
تفصیلات کے مطابق صوابی کے علاقے زروبی میں ماں کو گھر کے اندر جبکہ اس کے دو بیٹوں کو کھیتوں میں تھریشر کے دوران فائرنگ کر کے قتل کر دیا گیا۔
تھانہ ٹوپی پولیس کے مطابق موضع زروبی کے ونڈ لنڈے ڈب میں واقع کھیتوں میں دو افراد کی قتل شدہ لاشیوں کی اطلاع ملیجن کی شناخت محمود الحسن اور تیمور پسران سلطان غالب ساکنان زروبی کے ناموں سے ہوئی۔
جائے وقوعہ کے قریب مقتولین کے گھر میں ان کی والدہ کی لاش بھی پڑی تھی، تینوں ماں بیٹوں کو نامعلوم افراد نے فائرنگ کر کے قتل کر دیا تھا، وجہ قتل اور ملزمان فوری طور پر معلوم نہیں ہو سکے تاہم پولیس زرائع کے مطابق مبینہ طور پر دونوں مقتولین بھائیوں کو ماں سمیت ان کے چچا نے قتل کیا ہے۔
پولیس کے مطابق مقتولین کا جائیداد کا تنازع چل رہا تھا، پولیس نے نامعلوم افراد کے خلاف ایف آئی آر درج کر کے تفتیش شروع کر دی ہے۔
