کوٹری: (دنیا نیوز) جامشورو کی تحصیل کوٹری خدا کی بستی میں ایک گھر سے 4 افراد کی لاشیں برآمد ہوئی ہیں۔
میڈیا سے گفتگو کرتے ہوئے ایس ایس پی جامشورو ظفر صدیقی نے بتایا کہ گھر سے ملنے والی لاشیں عمران احمد خان اہلیہ عالیہ اور اس کے 2 کمسن بچوں کی ہیں۔
ظفر صدیقی کے مطابق چاروں افراد کو کسی تیز دھار آلے سے قتل کیا گیا ہے اور ہلاک افراد کا تعلق بلوچستان سے ہے۔
انہوں نے مزید بتایا کہ عمران احمد نے 9 سال قبل پسند کی شادی کر کے کوٹری میں رہائش اختیار کی ہوئی تھی، واقعہ غیرت کے نام پر قتل کا لگتا ہے اور لاشیں 3 دن پرانی ہیں، لاشیں پوسٹ مارٹم کے لیے ہسپتال منتقل کر دی گئی ہیں۔
