گجرات: (دنیا نیوز) نامعلوم افراد نے فائرنگ کرکے 2 افراد کو موت کے گھاٹ اتار دیا۔
پولیس ذرائع کے مطابق افسوسناک واقعہ گجرات کے علاقے شیخ پور میں پیش آیا جہاں نامعلوم افراد نے اندھادھند فائرنگ کرکے 2 افراد کو قتل کردیا، مقتولین کی شناخت راجہ آصف اور زاہد کے ناموں سے ہوئی۔
واقعے کی اطلاع ملتے ہی پولیس اور ریسکیو ٹیمیں موقع پرپہنچ گئیں، جاں بحق افراد کی لاشوں کو پوسٹ مارٹم کیلئے ہسپتال منتقل کردیا گیا۔
پولیس حکام کا کہنا ہے کہ ابتدائی معلومات کے مطابق واقعہ دیرینہ دشمنی کا شاخسانہ لگتا ہے جس کی مزید تحقیقات جاری ہیں۔
