راولپنڈی : (دنیا نیوز) راولپنڈی کے تھانہ نیوٹاؤن میں تعینات رہ کر منشیات فروشوں کی پشت پناہی میں ملوث سابق ایس ایچ او سب انسپکٹر انوار سمیت 17 پولیس اہلکاروں کو نوکریوں سے برطرف کرکے مزید اہلکاروں کے خلاف انکوائری شروع کردی گی۔۔
ترجمان پولیس نے بتایا کہ سی پی او سید خالد ہمدانی نے منشیات کے خلاف کریک ڈاؤن میں ان افسران کی نشاندہی کی جو منشیات فرشوں کی نہ صرف پشت پناہی کرتے ہیں بلکہ ان سے رشوت لے کر معاشرے کو تباہ کرنے کی کوشش میں لگے ہوئے ہیں۔
پولیس اہلکاروں کے منشیات فروشوں سے روابط سامنے آنے پر سنئیر افسران پر مشتمل انکوائری کمیٹی بنائی گی، کمیٹی کی سفارشات پر سابق ایس ایچ اوسب انسپکٹر انوار الحق، 4 اے ایس آئی، 4 ہیڈ کانسٹیبل، 8 کانسٹیبلز کو نوکریوں سے برخاست کردیا گیا۔
نوکریوں سے برخاست ہونے والوں میں اے ایس آئی عمران خالد،عمر،ندیم، شکور، ہیڈ کانسٹیبل ظریف، انیس، نصیر، کانسٹیبل سمیع اور امتیاز شامل ہیں۔
