رحیم یارخان: (دنیا نیوز) رحیم یار خان کے کچہ کریمنلز کے خلاف انٹیلی جنس بیسڈ ٹارگٹڈ آپریشنز جاری ہیں۔
ترجمان پنجاب پولیس کے مطابق دورن کارروائی رحیم یار خان پولیس نے تھانہ احمد پور لمہ کی حدود سے اغوا ہونے والے دو مغوی بحفاظت بازیاب کروا لیے۔
علی اصغر گجر اور قربان ڈیتھا کو ڈاکوؤں نے ڈیڑھ ماہ قبل اسلحہ کی نوک پر اغوا کیا تھا، ڈی پی او عرفان علی سموں کی قیادت میں پولیس ٹیموں نے مغویوں کی بازیابی کے لیے کارروائیاں جاری رکھیں۔
ترجمان پنجاب پولیس کے مطابق رحیم یار خان پولیس نے کچہ کریمنلز کے خلاف ٹارگٹڈ آپریشن کیا، اغوا کار مغوی شہریوں کو چھوڑ کر فرار ہو گئے۔
