گجرات: (دنیا نیوز) ریلوے ملازم کا پھاٹک بند کرنا جرم بن گیا، بس عملے نے گیٹ مین پر تشدد کر دیا۔
بس ڈرائیور اور کنڈکٹر نے ساتھیوں سمیت گیٹ مین پر بہیمانہ تشدد کیا، واقعہ ڈھیرو گھنہ پھاٹک نمبر 65 پر پیش آیا، واقعے کی ویڈیو سوشل میڈیا پر وائرل ہوگئی۔
ویڈیو میں 5 سے 6 افراد گیٹ مین کو ڈنڈوں، سوٹوں اور تھپڑوں سے مارتے نظر آئے، بس ڈرائیور شہزاد اور کنڈکٹر شمس کو گیٹ مین افضل کی جھنڈی سے مارتے بھی دیکھا جا سکتا ہے۔
ریلوے حکام کے مطابق جھگڑے کے دوران پشاور جانے والی 47 اپ رحمان بابا ایکسپریس موقع پر پہنچ گئی، ٹرین کو زبردستی رکوانے کی کوشش کی گئی۔
حکام ریلوےک اک ہنا ہے کہ ٹرین آنے سے پہلے پھاٹک بند کرنے پر جھگڑا ہوا، گیٹ مین نے ٹرین کے ٹائم کی وجہ سے بس کو پٹڑیاں عبور کرنے سے روکا تھا۔
