کوئٹہ: (دنیا نیوز) بلوچستان میں ٹرین سروسز کی صورتحال معمول پر نہ آ سکی، کوئٹہ سے چمن جانے والی ٹرین سروس دوسرے روز بھی معطل ہے۔
ریلوے ذرائع کے مطابق چمن پیسنجر ٹرین پاک افغان سرحد پر کشیدہ صورتحال کے باعث بند کی گئی ہے تاہم کوئٹہ سے پشاور جانے والی جعفر ایکسپریس معمول کے مطابق روانہ ہوگی۔
دوسری جانب بولان میل آج بھی کوئٹہ سے کراچی روانہ نہیں ہو گی، بولان میل کو ناکافی مسافروں کی وجہ سے منسوخ کیا گیا ہے، سکیورٹی حالات بہتر ہوتے ہی ٹرین سروس بحال کر دی جائے گی۔
