اسلام آباد: (دنیا نیوز) وزیرِ ریلوے حنیف عباسی نے دسمبر تک 100 نئی کوچز سسٹم میں شامل کرنے کا ٹارگٹ دے دیا۔
وزیر ریلوے محمد حنیف عباسی کی زیرِ صدارت اجلاس ہوا، جس میں ٹرینوں کی باقاعدگی پر بریفنگ دی گئی، تاخیر کی وجوہات کا جائزہ لیا گیا۔
اجلاس میں فیصلہ کیا گیا کہ لاہور سے راولپنڈی تک انجینئرنگ رکاوٹیں ایک ماہ میں ختم، سفری دورانیہ کم کیا جائے گا۔
وزیر ریلوے کو ٹرینوں کی کمرشل مینجمنٹ بارے بریفنگ دی گئی، حنیف عباسی نے کارگو ایکسپریس کی آؤٹ سورسنگ پر اظہارِ اطمینان اور شاباش دی۔
حنیف عباسی نے لاہور ڈویژن کی زمین آکشن کرنے والے تینوں افسر ڈی ای این ون محمد انجم، ڈی ڈی پی اینڈ ایل ضیاء الجبار اور سینیئر اکاؤنٹس افسر احمد ربانی کو معطل کرنے کے احکامات جاری کئے۔
اجلاس میں بریفنگ دی گئی کہ 10 ڈرائیور رننگ رومز کا ماڈل تیار ہو گیا، نئے کمرے بنائے جائیں گے، تعمیر و مرمت کا آغاز نومبر سے شروع ہو جائے گا۔
